مبعث حضرت رسول
مبعوث اولوب بوگون احمد رسالته
سیرابیدی چمـن باران رحمته
قیزلار چاتوب بو گون عزّ و جلالته
اولدی بوگون بهار
خوش روزگار اولار
کر:
آیدین بوگوزلروز
اولسون بوسوزلروز
خلاقه شکر اولا
گویدن نزول ایدوب بوگونده پیک حق
گتدیم سنه دئدی سوره آدی علق
آلله آدیله اول هادیِ ماخلق
سنسن نذیربشیر
یوخدورسنه نظیر
مبعوث اولوب دیسون الله وهم احد
رحمان و هم رحیم هم قادرو صمد
نازل ایدوب منه قرآنی تا ابد
من اولموشام رسول
خلق اولماسون ملول
مبعوث اولوب سالا دنیایه انقلاب
آزاده لر اولا هریرده کامیاب
عُزّی ولات لر بتخانه لرخراب
قائمدی وحدته
رهبردی ملته
مبعوث اولوب اولا نطقی چوخ آتشین
مشرک لری ایده عالمده دل غمین
مولاعلی (ع) کیمی داماد اولا معین
دل اولماسین حزین
غالبدی کفره دین
مبعوث اولوب اولا دنیاده بت شکن
گورمز داخی گوزوز گلزاریده زغن
گوللندی گلستان آلدی نفس چمن
یوخ قلبیده مِحَن
گل آشدی هرچمن
مبعث حضرت رسول
شاداولدی هرچمن گل لرگل آشدیلار
مأ یوس اولوب زغن زاغیله قاشدیلار
بلبل لریله گل باهم دولاشدیلار
گل اوسته یوخ زغن
شاداندی نسترن
پیچیده جامیه قُم فانذر امّتی
خلق ایلیوب خدا مخلوقه جنّتی
یحیی یُمیته وارعالمده قدرتی
به به گوزل وجود
اولسون گرک سجود
بو تازه دین تاپار دنیاده برتری
آلله ویررسنه زهرای اطهری
مام امامتون تابنده اختری
مهدی بالاسی دور
دنیاآقاسی دور
(عدلی) بوامتون واردورقیامتی
مژده ویروب رسول بول بو بشارتی
عصیان ایدنلرون واردورشفاعتی
جبریل ایدرندا
احمد دی پیشوا
آیدین بو گوز لروز
اولسون بو سوز لروز
خلاقه شکر اولا